Не можеме да кажеме дека оваа напивка е откриена, но веројатно повторно се враќа во мода. Разни светски медиуми како "The Smithsonian" и "Telegraph" ја пренесуваат веста за новиот чај направен од листови кафе кој наводно е подобар и од самото кафе но и од обичниот чај...

Чајот од кафе изобилува со состојки познати по тоа дека го намалуваат ризикот од дијабетис и срцеви болести, истите состојки кои се наоѓаат во мангото и одлично го намалуваат воспалението, а да не ги заборавиме и антиоксидансите кои инаку ги содржат чајот или кафето, а се наоѓаат и во оваа напивка.

"Земјен вкус на свежо искосена трева"
Стручњаците велат дека оваа напивка не е ништо ново затоа што била многу популарна во 19-от век. Ја пронашле истражувачите кај суданските селани кои им откриле дека "напивката ја намалува гладта и го ослободува мозокот од замор". Нема ли кафето многу сличен ефект!?

Сепак, како не би било предобро за да биде вистинито, заколнатите кафепијци можат да приговорат дека нема доволно кофеин колку и во кафето, а и вкусот можеби нема да им се допадне. Многумина го опишуваат како "земјен", додека други го споредуваат со зелениот чај. Еден од многуте описи за вкусот на оваа напивка според "Telegraph" е оној на "свежо искосена трева", ментол и еукалиптус.