Шпански и фински научници ги идентификуваа сите микроорганизми содржани во мајчиното млеко. Се чини дека за време на доењето новороденчето добива околу 700 различни видови бактерии, објави "American Journal of Clinical Nutrition"...

Истражувањето започнало во 2002 година, кога беа избрани бремени жени за учество. Во текот на својата работа научниците го проверувале индексот на телесна маса, начинот на породивање, а исто така и особеностите во доењето. Биле донесени примероци за анализа од мајчиното млеко во првите денови по раѓањето, еден месец подоцна и уште еднаш по шест месеци.

Најголема разновидност на микрофлората било забележано во мајчиното млеко, непосредно по раѓањето, односно во т.н. колострум. Во неа доминираат микроорганизми од "Streptococcus", "Lactococcus", "Leuconostoc", "Weissella" и "Staphylococcus". Во млекото месец подоцна доминираат бактерии од родот на "Veillonella", "Leptotrichia" и "Prevotella". Така станува јасно дека составот на мајчиното млеко постепено се менува.

Бактериите кои се содржани во мајчиното млеко не зависат само од периодот на лактација, но и од различни фактори пред и по бременоста.

Разновидноста на бактериите е помалку кај жени со прекумерна тежина. Начинот на раѓање, по природен пат или со церски рез, не го менувал составот на мајчиното млеко.