Даир Денд, дипломиран студент на Масачусетскиот институт за технологија (МИТ), во ноември се оснесвестил од конзумација на алкохол за време на една забава, а по неколку часа се разбудил во Итната помош...

Некои тоа би го сфатиле како предупредување да стои понастрана од алкохолот, но Денд, инжењер по струка и поранешен дизајнер на играчки, направил нешто подобро - измислил коцки мраз кои предупредуваат дека сте претерале со пиењето.

Коцките се направени од желатин и содржат инфрацрвени предаватели, мерачи на забрзувањето и LED ламбички кои ја менуваат бојата од зелена преку портокалова до црвена, во зависност од испиената количина на алкохол.

Светлечките коцки мраз при тоа пулсираат во ритамот на музиката за целото доживување да остане забавно.

Доколку предупредувањето се игнорира и се продолжи со пиење, коцките со помош на предавателите праќаат порака на пријателите да дојдат и пијаниот да го однесат дома.

Денд најпрво немал во план да го комерцијализира својот изум, но по бројните позитивни реакции го променил мислењето.

Тој работи и на други занимливи проекти како што се паметните обувки кои ќе им помагаат на луѓето да го пронајдат патот во непознат град или флексибилен дисплеј кој прави тродимензионални предмети.