Читањето на класици како Шекспир го стимулира мозокот и го подобруваат менталното здравје, открија британските научници...
Откритието е на истражувачи од Универзитетот во Ливерпул, според кои читањето на тежок старомоден јазик се одразува добро на мозокот. Научниците ги истражувале мозоците на доброволци и ги набљудувале додека читаат класични текстови од најголемите британски автори.
За да ја проверат теоријата, истражувачите на волонтерите им дале модерен превод на истите големи книги. Тие утврдиле дека оригиналните верзии стимулираат електрични струи во мозокот.
Изгледа дека читањето на потешки текстови повеќе го раздвижува мозокот и ги тера читателите да се воздржат од брзо вртење на страници.
"Истражувањето ја покажува моќта на литературата во однос на промената на менталните способности и формирањето на нови мисли, форми и врски како кај младите, така и кај зрелите луѓе", изјави професорот Филип Дејвис, кој работел на истражувањето.
