Еден Швеѓанец направил мртовечки сандак со вградени звучници за мртвите да не почиваат во мир, туку со избор на музика кои неговите роднини и пријатели можат по желба да ја менуваат и ажурираат.

Фредрик Хјелмквист, сопственик на продавница за музичка и видео опрема, вели дека неговиот хај-фај сандак има за цел да ги „забавува мртвите“ и да им пружа утеха на ожалените роднини и пријатели со тоа што за нив ќе можаат да бираат музика.

„Што знаеме ние? Луѓето веруваат во различни работи во различни делови од светот“, одговори тој во изјава за Reuters на прашањето дали луѓето ќе ги купуваат неговите сандаци затоа што веруваат во задгробниот живот.

Хјелмквист, кој планира да биде погребан во еден од своите необични производи, во кои ќе се пуштаат само оперски арии, досега не продал ниту еден музички сандак, иако, како што вели, имало многу заинтересирани, посебно во САД, Канада и Тајван. Можеби поради цената на сандакот кој чини 199.000 шведски круни или 30.700 долари.

„Мислам дека Ози Озборн или Кит Ричардс би требало да купат по еден. Некој секако би требало да го стори тоа, затоа што тоа навистина е рокенрол, но истовремено и убаво“, заклучи самопрогласениот шведски погребник.