Додека повеќето се сместени во топлиот дом или во канцеларија, пијат топол чај или нешто посилно, не е лошо да размислиме дека има и други делови на Земјата, каде што е многу ладно, толку ладно што е тешко дури и да се замисли. Еве некои интересни факти за студот...

Минус 89,2 степени е најниската температура која била регистрирана на Земјата на 7 јули 1983 година на станицата "Восток" во Антарктикот.

Минус 71,1 степен - е најниската температура на воздухот во обитаемите региони на планетата, измерена во 1964 година во Оимјакон (600 жители), Јакутија.

Три пати побрзо се ослободува топлината од човечкото тело, кога имате конзумирано алкохол.

Физичката активност во ладно време може да доведе до срцеви проблеми дури и кај здравите луѓе.

Во 401, 1011 и 1620 година била толку студено што Црното Море целосно замрзнало.

До минус 70 степени - при умерен ветер може да издржи човек, облечен соодветно.

Кога сме гладни, смрзнуваме побрзо. Во студените денови треба да се консумираат повеќе месо, риба, масти и масло.Тие производи се калорични и се преработуваат побавно.

Кај пушачите, кои живеат во северните земји, дишните проблеми се појавуваат со 10-15 години порано, во споредба со оние кои живеат на југ.