Лошиот здив го предизвикуваат бројни фактори. Некои се поврзани со основната хигиена на забите и усната шуплина, но некои се предизивикани од секојдневните навики, односно храната и пијалоците кои ги внесуваме во организмот. Доколку планирате важен состанок или пак дружење со пријателите, тестирајте го својот здив на три експресни начини...

1.Дланка
Лижнете го горниот дел од дланката и причекајте плунката да се исуши. По 5 до 10 минути мириснете го местото. Непријатниот мирис е предизвикан од анаеробни бактерии кои во устата прават спој со сулфур, а сулфурот е главен финовник за лошиот здив.

2.Газа
Со парче газа или памучна крпа добро избришете го јазикот. Ако на него остане жолта трага очекувајте и непријатен мирис. Најголемиот број бактерии кои го предизивкуваат лошиот мирис се наоѓаат на јазикот, под белиот слој, каде и се развиваат. Колку е подебел белиот слој на јазикот, тие побргу ќе се размножуваат.

3.Конец
Со конец за заби исчистете ги забите и помирисајте. Ако на него има бели наслаги и ако почувствувате непријатен мирис време е за миење. Споменатите бактерии се наоѓаат по целата усна шуплина, а тоа значи и помеѓу забите.