Мекдоналдс ќе ги замени играчките во познатите менија Хепи Милс со образовни книги, со цел да ја зголемува писменоста на децата...
Синџирот за брза храна ќе се претвори во најголемиот дистрибутер на детски книги во Велика Британија откако ги објави плановите да подели над 15 милиони книги во следните две години. Компанијата ќе работи во соработка со Дорлинг Киндерсли и WH Смит по рекламната кампања, која започна оваа недела.
Мекдоналдс, кој често се обвинува дека е меѓу причините за дебелината на децата, се надева дека ќе го подобри имиџот со иницијативата Хепи Ридерс. Менијата Хепи Милс на компанијата беа забранети во Чиле и во некои Американски држави поради тврдења дека им штетат на здравјето на децата.
Кампањата за читање започна оваа недела со петседмично бесплатно раздавање на книги во целата земја и ќе трае до крајот на идната година, при што се очекува да бидат поделени вкупно 15 милиони книги. По една книга ќе биде поставена во секое детско Хепи Мил мени што традиционално вклучуваше пластични играчки, реклами за филмови и ТВ серии.
Иницијативата била инспирирана од истражувањето на Националното книжевено барање, што покажало дека само 50% од децата тврдат дека многу сакаат да читаат. Компанијата тврди дека 90% од родителите изјавиле дека сакаат повеќе слични кампањи.
