Фрустриран татко изнајмил играчи да го убијат неговиот син во игра, за да може да најде работа.

Кинез од Пекинг бил изнервиран од фактот дека неговиот син единец Шијао Фенг (23) е навлечен на играта до таа мерка што не сака да мрдне од дома.

Постариот Фенг се обидел да го натера син му да се вработи и да се осамостали, но тој за сето тоа не давал ни пет пари и целосно се посветил на играта. Не помогнале договори, подароци, па дури ни закани: синот само сакал да игра.

Таткото, немоќен, прибегнал кон последната опција и изнајмил платени убијци - во играта! Им платил на тројца играчи од ден во ден да го убиваат ликот на неговиот син во една популарна мултиплеер игра.

Не е соопштено за која игра станува збор, но Шијао Фенг кренал раце од истата по месец дена, затоа што неговиот лик бил измасакриран каде и да се обидел да се појави.

На крајот очаен ги контактирал играчките и ги прашал зошто не го остават на мира и добил одговор - ги изнајмил неговиот татко.

„Ми рече дека заврши со игрите, но дека сепак ќе земе одмор од месец дена пред да се посвети на барањето работа, за да се подготви за нови предизвици“, рече таткото на кого конечно му олеснало.