Фудбалските вештини на Дејвид Бекам не се единственото нешто со што тој ги импресионира Британците, неговата фризура исто така е извор на инспирација...

Фризурата на Бекам се менуваше сериозно во текот на годините, но и покрај тоа тој продолжува да биде пример за имитација на сонародниците што се однесува до неговата коса. Другите познати личности, чии фризури најчесто ги копираат мажите, се Гери Барлоу, Роберт Патинсон, Бредли Вигинс и Бред Пит.

Истражувањето на брендот за професионални производи за коса Фюдж покажува дека просечниот британски маж ја менуваат фризурата само четири пати во својот живот. Фризурите за кои жителите на Островот најмногу жалат што ги носеле во одреден период од животот, се гола глава, фризура куп, фризура завеса, мапет фризура и фризура боцки.

Иако жените се сметаат за побавниот пол во однос на облекувањето, истражувањето покажува дека на просечниот Британец се потребни 24 минути за да се здобие со идеална фризура за излегување навечер. Но, обликувањето на косата не завршува со почетокот на забавата. Околу една петина од мажите признаваат дека ја поправаат косата секофаш кога ќе се видат во огледало.

Постигнување на идеална фризура не е мал предизвик. Една третина од Британците го наведуваат опаѓањето на косата како најголема загриженост со напредувањето на возраста, проследено со пивскиот стомак, белите влакна и брчките.