Ако сте помислиле на грчките острови - не сте погрешиле...

Сонце, море, свежа риба, маслинки, вино - звучи како добитна комбинација за долг и здрав живот, а се покажа дека навистина е така. Жителите на медитеранскиот остров Икариа живеат дури десет години подолго од останатите во Европа.

А еве во што е нивната тајна: дишење на свежиот морски воздух, физичка активност, здрава исхрана и - богатиот друштвен живот. Да, да, така се живее на овој грчки остров.

Жителите на Икариа имаат двојно повеќе шанси да ја доживеат деведесетата година од, на пример, Американците. Тие се изгледа имуни на Алцхајмерова болест, срцеви болести, рак и бројни други неприлики кои ги носи старата доба.