Флоренс Грубер, која го дели домот со 40 свињи, е принудена до 22 јануари да ги исели од куќата во Вермонт поради жалбите на гневните комшии. Флоренс, која живее со својот партнер Алан Тефрекас, вели дека свињите се најзини домашни миленичиња, но дека градските власти не се согласуваат со тоа, ги карактеризираат како стока и го забрануваат нивното чување дома...
Грубер признава дека има премногу животни дома и дека од некои од нив мора да се раздели. "Намерата никогаш не ми беше да имам толкав број. Сакав да одгледувам нешто мало кое не прави врева како кучињата. А свињите се мирни, тивки и многу мили. Само треба да ги третирате како челенови на семејството".
Флоренс вели дека нејзините животни се многу паметни и забавни: "На луѓето треба да им советува да земаат свињи а не антидепресиви".
На градската седница каде се расправало за овој случај, Брајан Маркоти, потпреседател на Здружението на сопственици на куќа во Пајнвуд Менор, рекол дека животните мора да бидат отстранети поради комшиите. "Не е прашањето дали свињите се добри или лоши. Еднотавно не ги сакаме овде".
Ова не е прв пат Флоренс да има проблеми поради своите миленици. Таа се преселила од Њу Џерси по судската одлука дека таму мини свињите не се дозовлени, но згрешила кога помислила дека ќе може мирно да живее и во Вермонт.
