Еротскиот роман „Педесет нијанси на сиво“ беше хит изминатата година. Го читаа и мажи и жени. А ти?

Неодамнешно истражување покажа дека шест од десет Французинки читаат еротска литература, додека пред четири децении „скокотливото“ четиво ги интересирало само третина од жените во Франција.

Истражувањето го спровела агенцијата Ifop за женското списание Femme Actuelle по повод објавувањето на вториот дел од трилогијата „Педесет нијанси“ на британската авторка Е. Л. Џејмс.

Студијата „потврди и се поголемо интересирање на Французинките за еротски игри и играчки“, пишува весникот, наведувајќи дека 24% од испитаниците изјавиле дека уживаат кога партнерот ги плеска по задникот, одговор кој во 1985 го дале само 8% од жените.

Во последните десетина година, секс играчките се одомаќиниле - денеска ги користи секоја трета Французинка, додека во 2007 тоа го правеле само 7% од нив. Други истражувања покажуваат дека за божиќните и новогодишните празници се продадени над илјада секс играчки.

Но, да се вратиме на книжевноста. Еротската трилогија на Е. Л. Џејмс која ги вклучува книгите „Педесет нијанси на сиво“, „Педесет нијанси помрачно“ и „Педесет нијанси ослободени“ до сега е продадена во 65 милиони копии ширув светот. Имаш ли ти еден примерок?