Професионални војници, директори на компании за односи со јавноста, пилоти, новинари, имаат најстресни работи, додека најмалку стрес трпат универзитетските професори, кројачите, библиотекарите и фризерите.

Професионалците од универзитетот во Висконстин направиле листа од 200 занимања и количината на стрес ја мереле на основа на физичката напорност на работата, ризикот, потенијалната смртност, патувањето и профитабилноста.

Излегло дека професионалните војници и генералите имаат најстресна работа, затоа што освен што е физички и психички напорна, одговорни се и за војниците. Најстресна цивилна работа имаат пожарникарите кои секојдневно се изложуваат на опасности и многу од нив умираат или се повредуваат.

Меѓу најстресните занимања се и директор на компанија за односи со јавноста, пилот, извршен директор, фоторепортер, новинар, возач, полицаец.

„За најмалку стресни професии карактеристични се позитивните повратни информации кои ги добиваат од клиентите и тие луѓе воедно се посреќни. Така универзитетскиот порфесор е крал на своето кралство со најмногу овластувања и училница и право на студентите да им нареди што се треба да направат“, објаснува професионалецот Тони Ли.

За најмалку стресни занимања се набројуваат работите златар, службеник, лабораториски техничар, нутриционист.