Жените може да се налутат и да се намуртат кога мажите потсвирнуваат во нивна насока, но потајно тоа им се допаѓа...

Повеќе од половина дами велат дека би сакале да добијат свиркање од маж, а околу една третина од жените на диета сметаат дека примањето на комплименти на овој светол начин е најголемиот мотив да стопат повеќе килограми. Цели 72% од Британките велат дека ја почнуваат новата година незадоволни од тежината, покажува новото истражување.

Но иако половина од жените започнуваат со новогодишна диета, недостатокот на доверба, мотивација и волја значи дека 39% ќе се откажат од неа само по две недели. Истражувањето на компанијата "XLS-Medical Fat Binder" покажа дека 26% од жените на диета губат мотивација кога нивните напори за симнување на килограми остануваат незабележани.

Околу 85% од претставничките подложени на диета би се мотивирале од обичен и искрен комплимент, а 66% би се радувале доколку некој ги праша дали ослабеле. 53% сметаат дека ако некој им каже дека изгледаат одлично, тоа ќе им помогне да продолжат да слабеат.

Освен тоа, доброто старо потсцирнување на мажите би охрабрило 28% од Британките да се придржуваат кон своите планови за намалување на килограмите, а 54% од испитаниците признале дека им се допаѓа да добиваат такво потсвирнување.

Половина од луѓето кои се сметаат за исполнети, велат дека би се откажале да одат на базен, а еден на секои пет одбива да се среќава со нови луѓе поради својот изглед. Еден на секои десет родители дури смета дека килограмите не им дозволуваат да учествуваат во активностите со своите деца.