Огромна гумена жолта патка која вчера заплови на сиднејското пристаниште ги воодушеви Австралијанците, особено оние најмладите...

Патката, висока 15 метри, е дело на холандскиот уметник Флорентијн Хофман и е еден од перформанските во рамките на овогодинешниот Сиднејски летен фестивал.

Симпатичната фигура од ПВЦ, сиднејското пристаниште го претвори во огромна када, на радост и задоволство на жителите на овој град. Биле потребни три недели за да се изработи оваа гумена патка, а само половина час за да се надува.

"Сите живееме на иста планета, а водите се нашата када. Мојата патка го обединува целиот свет во заедничко капење", рекол Хофман, чие уметничко дело ќе остане на пристаништето до 23 јануари, кога се затвора фестивалот.