Шпански и британски научници тврдат дека пронашле додатни докази дека начинот на сервирање на храна и пијалоци значително влијае на нивниот вкус. Какаото и топлото чоколадо, на пример, се највкусни ако се пијат во портокалови филџани...

Истражувачите од Политехничкиот универзитет во Валенсија и Оксфорд универзитетот, на група од 57 лица им понудиле топло чоколадо во пластични филџани во бела, крем, црвена и портокалова боја од надвор, а од  внатре бели. Иако во сите филџани била иста постапката, испитаниците изјавиле дека чоколадата сервирана во портокаловите и крем филџани е највкусна.

"Бојата на садовите во кои се сервираат храната и пијалоците може да ги зајакне поединечните својства како што се вкус и арома", вели Бетин Пикер-Фисман од универзитетот во Валенсија.

Претходни истражувања покажале дека садовите со жолта боја го зајакнуваат вкусот на лимон во соковите, а дека напивките со ладна боја, како сина, повеќе ја гасат жедта од напивките со топла боја како на пример црвена.

Студијата на шпанските и британски научници е објавена во стручното списание "Journal of Sensory Studies".