Во јавноста се појави досега не видена фотографија од 20-годишната принцеза Дајана Спенсер која е снимена два дена откако е објавена веста за нејзината веридба со британскиот принц Чарлс...

И ништо во овој случај не би било спорно ако Лејди Ди не лежи во прегратките на непознат маж, а зад нив на прозорот стои шише виски.

Црно-белата фотофрафија го забележала моментот на опуштање кој се случил 26 февруари 1981 година. Насмеаната Дајана делувала среќно, а мажот во чија прегратка се наоѓа лежи и чита книга.

Но, фотографијата не била објавена бидејќи таблоидот "Daily Mirror", кој ја снимал, заклучил дека е прежешка за објавување. Така преку целата фотографија биле испишани зборовите "Не е за обајавување".

Боби Ливингстон од агенцијата "RR Auctions" кој ја продава фотографијата тврди дека за неа веројатно ќе добие повеќе од 1000 долари, но со оглед на натписот кој стои, цената би можела да биде навистина голема.