Запрепастувачка фотографија на која бебето, во моментот на раѓање, со раката низ отворот на мајчиниот стомак го фаќа докторот за прст, стана еден од првите хитови на интернет во 2013 година.

Бебето, со царски рез, го родила Алиша Еткинс од Аризона на 9 октомври минатата година, а нејзиниот сопруг Ренди со фотоапаратот го овековечил тој трогателен момент.

„Докторот ме повика и рече: ‘Еј, ме зграпчи за прстот!’“, се присетува Ренди во изјавата за американската телевизија 3TV News, опишувајќи ја неверојатната сцена на малата рака на бебето која од мајчиниот стомак на докторот му помага да го донесе на свет.

На големо изненадување на мама Алиша, која е професионален фотограф, оваа необична фотографија привлекла огромно внимание од јавноста и до сега на Facebook има 1.800 лајкови, споделена е повеќе од 500 пати, а има околу 260 коментари, во главно позитивни реакции на фотката од толку интимен и посебен момент во животот на Еткинсови.

„Не верувавме дека реакциите ќе бидат толку позитивни. Мислевме дека ќе има повеќе негативни коментари од типот ‘ова е одвратно’, но напротив, сите токму мислеа дека ова е најдобра работа на светот“, рече Алиша за американската телевизија KTVK.