Погледнете го спектакуларното закуцување на еден американски средношколец. Дали веќе го видовме најспектакуларниот потег во 2013 година?

Сине, што ќе правиш кога ќе имаш 20 години?

Младиот средношколец Виктор Дјукс е новогодишен хит на YouTube, а вниманието на многубројните интернет портали и блогови го заслужи можеби со закуцувањето на годината пред истата навистина и да започне.

Ова момче од втора година во средното училиште Нетлтон во Арканзанс, САД, го прикова ривалот и топката во обрачот за време на утакмицата со Манила и моментално ја обиколи планетата.

Да, точно е дека во одразот Дјукс доби неколку бонус сантиметри така што со ногата се „одби“ од градите на ривалот, кој се обиде да му запречи, но овој потег секако е вреден за внимание, барем овие 17 секунди колку што трае клипот.

Дјукс, висок 190 сантиметри, се издигна со телото над обрачот, а делуваше како да може и со лактот да ја закуца топката во мрежата.

Погледнете...