Милиони гледаат на електронските цигари како на средство кое ќе им помогне да се ослободат од штетната навика. Новото истражување, сепак покажа дека електронските цигари всушност не помагаат за откажување од пушењето и претставуваат сериозна потенцијална закана за здравјето, бидејќи содржат никотин...

Извештајот, објавен од италијанското министерство за здравство, предупредува дека електронските цигари не треба да се користат од страна на млади луѓе, бидејќи внесуваат никотин во телото и можат да ги натераат да почнат да пушат вистински цигари.

Роберта Пачифичи, директор на Опсерваторијата за пушење, алкохол и употреба на дрога на Националниот здравствен институт, која го изготвил извештајот, изјави дека не е убеден во целосната безбедност на електронските цигари. "Треба да имаме внимателен пристап кон овој производ, бидејќи знаеме малку за неговата корист во запирање на пушењето и за неговата токсичност", предупреди таа. Пачифичи додаде дека нејзиниот извештај не убедува во ефикасноста или безвредността на електронските цигари. Сепак, таа признава дека иако нивото на никотин варира кај овој тип на цигари, тоа обично се пониско отколку кај нормалните цигари.