Па, тоа е Мила Јовович кога била многу мала!

Актерката која светска слава стекна со филмовите „Притаено зло“ и „Петтиот елемент“ на Twitter профилот објави фотографија од себе кога имала помалку од пет години, снимена во седумдесетите години во родниот Киев.

„Ја најдов оваа фотографија од Русија во седумдесетите... Баш е слатка“, напиша Мила.

Мила (37) со семејството во Калифорнија се преселила кога имала само пет години, но на 12 години го напуштила училиштето поради, како што вели, задевањето на училишните другари дека е руска шпионка. Иако се уште била девојче, Мила успеала за само година дена подоцна да го потпише првиот професионален моден договор.

Потоа се одело лесно. Ја забележале филмаџиите, па Мила добивала улоги за кои само можеле да сонуваат веќе познатите актерки. За нејзиниот талент за глумење и грижата за своето тело и здравиот начин на живот Мила и се заблагодарува на мајка и Галина, која во младоста се занимавала со глумење и татко и Богдан, кој во Киев работел како лекар, а има српско потекло.

Иако нејзините родители недолго по преселувањето во Америка се развеле, а татко и завршил во затвор, ништо не можело да и застане на патот на Мила и денеска е една од најценетите актерки и модели во светот, а со музика се занимава како хоби.

Мила на 16 години се омажила за прв пат, но тој брак не потрајал, како ни вториот. Сега е во среќен брак со британскиот режисер Пол Андерсон со кој во 2007 година доби ќерка.