Жените на интернет купуваат, мажите играат игрички со „пукање“... очекувано.

Мажите и жените подеднакво активно го користат интернетот. Меѓутоа, постојат неколку разлики во начинот на кој тие го поминуваат времето на интернет. Вреди да се обрати внимание и на интернет активностите на нивните деца.

Во тек на изминатите неколку години, жените почнаа да го користат интернетот колку и мажите. Денеска, жените поминуваат подеднакво време на интернет, како и мажите. Сите три „групи“ на корисници користат различни услуги во однос и подеднакво активно учествуваат во социјалните случувања на интернет.

Две стари клишеа за жените опстанаа и во онлајн светот: едно од нив е дека жените купуваат повеќе, а другото е дека поактивно комуницираат. Во едно споредување за онлајн купување, жените ги надминале мажите: 88% од жените купуваат онлајн, додека процентот на мажи кои го прават тоа изнесува 83%. Нивните приоритети се јасни: жените повеќе купуваат облека онлајн (41% жени спроти 17% мажи), додека мажите почесто купуваат електронски уреди, компјутери и видео игрички.

За време на 2011 година, 80% од жените биле активни во онлајн заедницата, како што се социјалните мрежи, во споредба со 74% од мажите. Дури и во игрите на играње улоги (13% спрема 5%) и социјалните игри (10% спрема 6%), водат жените. Мажите, од друга страна, почесто играат игри со пукање (29%) од жените (15%). Кога се во прашање high-tech уреди, мажите ги поседуваат во поголема мерка (87% спрема 79%, статистика за мобилни телефони).

Детските онлајн навики исто така го привлекуваат вниманието. Девојчињата доминираат на социјалните мрежи, со 84% девојчиња на возраст од 10 и 18 години кои учествуваат на барем една социјална мрежа, додека само две третини од момчињата го прават истото. Повеќе девојчиња отколку момчиња поседуваат мобилни телефони (92% наспроти 87%).