Илјадници жени ќе облечат високи потпетици за новогодишните забави, но болката вреди, бидејќи тие навистина им помагаат да изгледаат подобро...

Новото истражување покажа дека ултрависоките потпетици ја прават жената посексапилна отколку ако е со рамни чевли, дури и ако мажот не го гледа нејзиното лице или фигура. Високите чевли ја прават жените попривлечна, бидејќи "ја засилуваат женственоста", го менуваат начинот на кој жената ги движи задните делови, колковите и нозете, и нагласувајќи ги облиците на нејзиното тело, открија истражувачите од Универзитетот во Портсмут, Велика Британија.

Колку повисока е обувката толку посексапилна е дамата. Според научниците "изборот на партнер" е главната причина поради која жените преферираат да носат високи потпетици. Но, жените на високи чевли се сметаат за поатрактивни и од другите жени, па многу претставнички на понежниот пол избираат потпетици за да ја импресионираат женската конкуренција.

Жените учеснички во истражувањето имале просек десет пара потпетици и ги носеле најмалку еднаш неделно. Тие биле снимани да одат четири минути со рамни чевли и чевли со штикла од 6 сантиметри. За да се избегне на привлечноста да влијаат други фактори, истражувачите им дозволиле на судиите да гледаат само светлосенки, додека жените одат.

Жирито, во кое учествувале како мажи така и жени, ги дали оценките, откако гледале 30-секунди видео клипови на жени со ниски и високи чевли. Сите жени се сметале  како попривлечни кога носеле високи потпетици. Научниците утврдиле дека жените на високи потпетици се движат побрзо, така што ги зголемуваат стапките од 106 на 110 за минута, но се намалила големината на чекорите од 1,24 на 1,20 метри. Истражувачите дошле до заклучок дека жените на високи чевли се значително попривлечни отколку истите жени, но на ниски чевли.

"Дамите на високи потпетици се движат на начин кој е многу карактеристичен за женскиот од. Резултатите го потврдуваат мислењето дека носењето на високи чевли им помага на жените да изгледаат попривлечно. Мода по својата природа е временска, но модата, која трае подолго, како високите потпетици, ги нагласува специфичните сексуални аспекти на телото ", посочуваат научниците.