Американка три месеци не си ги избричала нозете поради пауза во Националната хокејска лига.

Меги Вагнер (25) е стравствен навивач за Penguins од Питсбург, а „локаутот“ во NHL кој трае од септември толку ја разлутил, што одлучила својот протест да го покаже на необичен начин.

Меги на својот Twitter уште на 15 септември напишала дека нема да ги бричи нозете, ниту да се депилира, додека „локаутот“ не заврши и сопствениците на лигата и играчите не се договорат околу поделбата на парите.

„Немојте погрешно да ме сфатите, јас го обожавам хокејот и многу сум фрустрирана поради ова“, напишала таа.

Фотката од нејзините влакнести нозе ја „ретвитувале“ многу хокејачи, а интернет заедницата сега ги прозива затоа што не пуштиле бради во знак на протест, како што Меги ги „пуштила влакната“.

Младата обожавателка на хокеј веќе најави дека размислува, кога „локаутот“ ќе заврши, да ги избричи нозете и сите влакна да ги прати на куќна адреса на оние кои се одговорни за паузата.