Оскаровката за секој долар му носи најмногу пари на студиото за кое работи, објави Forbes.

Годишната листа на актери и актерки чии филмови заработуваат најмногу на благајните за долар од нивниот хонорар е објавена вчера, а на прво место се наоѓа убавата актерка Натали Портман.

За секој долар кој Натали го добива, студиото заработува 42,70 долари, пишува Forbes.

На второ место е Кристен Стјуарт, чии филмови заработуваат по 40,60 долари за секој долар од нејзината плата.

Последните три места на листата ја заземаат актери. Трет е Шаја Лабаф, кој на студиото му носи 35,80 долари за секој долар од хонорарот, потоа Роберт Патинсон (31,70) и последен е Даниел Редклиф, чии филмови заработуваат 30,50 долари за секој долар кој му го плаќаат нему.