Кафето е од оние пијалоци кои можат да се пофалат со милиони зависни обожаватели ширум светот. Тие навистина не можат да поминат и ден без да се напијат од вкусната течност, но сигурно еден од соништата им се исполни: Сега може да се искапат со кафе, барем донекаде...

Компанија за производство на сапуни разви нов производ наречен "Bath Buzz Caffeinated Soap" или сапун со кофеин со специфична миризба. Креаторите објаснуваат дека кога ја триете кожата со него, таа ќе може да преземе 200 мг. кофеин, што е само 60 мг. помалку од дозата која ја добиваме од кафето во слаткарниците.

"Оние кои стануваат подоцна и нивната прва работа е веднаш да си направат кафе, може целосно да ја ги променат навиките и прво да земат освежувачки туш со омилениот пијалок. Тоа дејствува на ист начин како да се пие од чаша", објаснуваат креаторите за својот иновативен производ.

Еден таков сапун може да издржи околу 12 капења. Од компанијата грижливо стои појаснување на етикетата дека овој производ не е за јадење.