Ова грозна слика на тумор кој расте од цигара е дел од последната кампања на британската влада за тамошните жители да ги одвикне од пушењето...

Новата кампања на британското Министерство за здравство е покренета откако статистиката покажала дека повеќе од една третина од пушачите во таа земја мислат дека лекарите ги преовеличуваат ризиците кои ги предизвикува пушењето.

Новата реклама сликовито опишува дека само 15 цигари дневно може да предизвикаат мутација и развој на тумор.

"Еден од двајца пушачи умира од пушење, воглавно поради рак. Знаеме дека луѓето не ја сфаќаат сериозно штетноста од таа навика и не разбираат што се случува во нивните тел. Ова ќе им објасни", вели Дејм Сели Дејвис, професор по медицина.

Кампањата која изнесува 3,3 милиони евра ќе трае 9 недели.