Во последните неколку години стапката на разводи на парови кои имаат една или две ќерки пораснала за десет проценти, покажало истражување кое опфатило три милиони Американци.

Паровите кои имаат ќерки имаат поголеми шанси за развод на бракот, најмногу ако првороденото дете им е женско. Исто така, разведените жени со синови имаат поголеми шанси да влезат во брак, отколку разведените мајки со девојчиња.

Психолозите сметаат дека женските деца можат да влијаат на мајката давајќи им сила и поттик да го завршат лошиот брак. Исто така, кај мажите институцијата брак добива на важност ако имаат син затоа што не сакаат тој да расте без татко.

Во САД дури 73% од разводите ги започнуваат жени. Психолозите објаснуваат дека тие полесно се одлучуваат на тој потегако имаат ќерка која ќе може да им помогне по дома.

Освен тоа, врската на мајката и ќерката е единствена, а во такви тешки ситуации станува и уште поцврста. Многу мајки во своите ќерки наоѓаат најдобри пријателки, друштво и поддршка и затоа немаат претерана желба да се врзат за нов партнер.