Божиќ е еден од најсветлите празници во годината. Семејствата се собираат и луѓето се забавуваат заедно со блиските. Разменуваат подароци и се украсуваат елки. Сите прејадуваат. Но, од каде всушност доаѓаат овие традиции и што значат тие? Како се слави Божиќ на други места во светот? Еве 10 навистина неверојатни факти за овој прекрасен празник...
1.Првите вештачки елки се направени во Германија од пердуви од гуски.
2.Божиќ е официјално прогласена за христијански празник од папата Јулиј I, во 350 година по Исус.
3.Трите традиционални бои на Божиќ се зелена, црвена и златна. Зелената симболизира живот и реинкарнација, црвената - крвта на Христос, а златната - светлина, богатство и слава.
4.Во Полска пајажините се популарна декорација за божиќната елка. Тоа доаѓа од легендата дека пајакот исплетал облека за новороденчето Исус.
5.Во Германија се верува дека "Heiligabend", Бадник, е време кога чистите по душа може да го разберат јазикот на животните.
6.Во Велика Британија луѓето носат хартиени круни за време на божиќната вечера.
7.Најголемиот божиќен чорап е долг 32 метри и широк 14. Откако ќе го наполнат со речиси 1000 подароци, тежи колку пет елени. Исплетен е од организација во Лондон на 14 декември 2007 година.
8.Оливер Кромуел ги забранил сите новогодишни прослави и песни во Англија од 1649 до 1660 година. Единствена дозволена забава биле молитвите и литургиите.
9.Дедо Мраз е базиран на вистинска личност - Свети Никола од Смирна, живеел во 4 век по Исус. Роден во Патара (денешна Турција), тој е меѓу најчесто прикажуваните светци. Ги заштитувал банкарите, продавачите, пиратите, месарите, морнарите, крадците, сираците и благородните.
10.Првата елка била украсена од протестантскиот реформатор Мартин Лутер (1483 - 1546 година). Според легендата тој се импресионирал од убавината на ѕвездите, кои блескале меѓу гранките на една елка, па така си донел дома дрво и го накитил со свеќи, за да да ги израдува своите деца.
