Англичанецот Симон Бек уште од 2004 година оди на ски-центарот "Les Arcs" во Франција, но, за разлика од останатите посетители, тој не оди својот одмор да го помине во скијање...

Бек има многу необично хоби а станува збор за изработка на фасцинантни и навистина прецизни геометриски облици врз штотуку наврнат снег, пренесува "Collosal".

Неговите нови дела се беспрекорни, а за изработка на секое од нив потрошил меѓу 6 часа и два дена. Процесот најпрво започнува како дизајн на компјутер, а потоа на хартија и на крај на снег. Но, неговиот труд не е залуден, затоа што неговите необични геометриски фигури носат се поголем број на туристи, па така 54-годишниот Бек и неговите "кругови во снегот" станаа вистинска аткрација. Секое утро, бројни туристи се собираат и го гледаат Бек кој своите траги во снегот ги остава исклучиво со помош на своите ски обувки.