Дека Русите сакаат да кршат лед па да нуртнат во вода на "дебел" минус веќе знаеме, но дали знаевте дека децата ги подготвуваат за тоа уште од мали нозе...

Иако температурите ширум Русија овие денови беа толку ниски што ги рушеа и тамошните рекорди, овие деца во Сибир ништо не можеше да ги спречи да си поиграат на снегот и тоа во костими за капење.

И тоа не само што си играле на снег, туку си играле со вода и тоа на минуст 25 степени Целзиусови.

Како што наведуваат медиумите, некои од овие деца имаат само 2 години, а ова е вообичаена пракса за "јакнење на здравјето".

Олисија Осинчева има 18 години стаж како воспитувачка и во овој "третман" не гледа ништо чудно, според неа тоа е добро за здравјето.

Ни самите деца оваа вежба не ја сметаат како казна, туку тврдат дека одлично се забавуваат.