Јадењата кои ги подготвува британскиот кувар Џејми Оливер се покалорични од индустриски подготвените (готовите) јадење, покажале резултатите од истражувањето објавено во "The British Medical Journal"...

Група истражувачи од Универзитетот во Њукасл ги споредила нутритивните вредности на 100 индустриски јадења со 100 јадења од пет книги со најпопуларните рецепти на Оливер.

Анализата покажала дека оброците на Оливер се 22% покалорични, како и дека содржат два пати повеќе маснотии и 35% повеќе заситени масти, објавено е на веб сајтот "Rue89".

Оливер, кој инаку е голем борец против гојазноста, пред се меѓу децата, веќе реагирал, така што сега во неговата најнова книга рецептите "15 minutes Chronolgical" е прикажана и калориската вредност на секое јадење.

Тој, меѓу останатото, соопштил дека на својот веб сајт ќе објави информации поврзани со нутритивната вредност на рецептите кои се наоѓаат таму.