Норвежанецот Хавард Ругланд благодарение на видео клупот во кој со неверојатна прецизнот ја шутира топката е на работ на потпишување на договор со некој од NFL екипата како шутер.

На Хавард не му пречи ни тоа што топката која се користи во американскиот фудбал има „погрешен облик“, односно повеќе потсетува на јајце отколку на топка. Кога и да ја „чукне“ со ногата, таа лети таму каде што тој замислил.

Додека гледате како шутира не можете да му одолеете на впечатокот дека би бил многу корисен и како играч во европскиот фудбал, затоа што кога може „јајцето“ да го прати како теледигириран проектил до метата, што тогаш би можел да направи со фудбалерска топка.

Норвешката државна телевизија објавила дека Хавард заминал преку океанот на проба во Њујорк Џетс. Кој знае, можеби тој ќе стане убиственото оружје на познатата Њујоршка екипа.

Впрочем, уверете се сами во тоа што го прави Хавард Ругланд, затоа што е речиси неверојатно...