А по неколку чаши има да скокате подобро од "дивиот коњ"...

Руската компанија "Ros patent" од јужнокорејскиот рапер побара дозвола да регистира бренд "Opah Gangnam Style" и под тоа име на пазарот да лансира различни видови алкохолни пијалоци и коктели.

"Gangnam Style" неодамна стана првото видео на Јутуб со милијарда прегледи, раперот Псај милионер, а светот не може да престане да го танцува "танцот на дивиот коњ", па во склад на тоа руската компанија сака раперот да им дозволи производство на пијалоци меѓу кои ќе биде и најпознатиот руски пијалок - вотката.

Компанијата "Ros patent" сооптшила дека марката нема да биде регистрирана во Русија доколку Псај со тоа лично не се согласи.

Меѓутоа, "Russia today" пишува дека тамошните стручњаците се скептични по ова прашање затоа што сметаат дека брендот со такво име брзо би пропаднал, ако Псај наскоро не објави уште еден хит.