Еден Швеѓанец секој месец ќе добива инвалидна пензија од државата, затоа што официјално е прогласен за „зависник“ од хеви метал.

Роџер Тулгрен (42) не може да живее без хеви метал. Непрекинато го слуша неговиот жесток ритам, а годишно посетува повеќе од 300 концерти.

Поради својата необична „зависност“ добил отказ на секое работно место кое дотогаш го имал.

Тулгрен разговарал со три психијатри кои потврдиле дека кај него постои зависност од агресивниот рок жанр.

„Веќе десет години се обидувам да се изборам за инвалидна пензија, т.е. мојата љубов кон хеви металот да се третира како пореметување. Разговарав со тројца психијатри и конечно успеав тоа да го докажам“, објасни тој.

Покрај паричната помош, Тулгрен доби и работа како перач на садови во еден ресторан, каде што има скратено работно време. Неговиот шеф му дозволува да ја слуша својата омилена музика се додека не им пречи на другите работници, како и порано да заминува од работа за да оди на концерти.