Годината што изминува ја одбележа, кога е книжевноста во прашање, еротскиот роман "Педесет нијанси сиво". Се продаваше "како алва", но тоа не значи дека е посакуван и за "под елката", покажало истражувањето...

Еротската трилогија на Е.Л.Џејмс "Педесет нијанси сиво", "Педесет нијанси - Помрачно" и "Педесет нијанси - Ослободени" е најмалку популарен подарок за Божиќ, покажало ново британско истражување.

Трилогијата, која до сега е продадена во 65 милиони копии ширум светот, никако не стои високо на листата на желби за новогодишни и божиќни подароци. Во анкетата на Британската фондација за срце, 26% рекле дека не би ја сакале таа книга за Божиќ.

На второ место најмалку популарен подарок е ДВД со најзанимливите делови од Олимписките игри (24%), потоа следат ДВД со вежби за намалување на килограмите за кои 20% велат дека би биле разочарани ако го добијат за подарок.

Студијата покажала и дека најлоши подароци даваат бабите и дедовците (16%), потоа мајките (14%) и партнерите (10%).