Запросувањето на хакерот Гај Малачи брзо се прошири низ интернет откако на прилично оригинален начин ја запроси својата девојка Ева на која и го хакирал компјутерот и ја изненадил на најубавиот можен начин...

Призна дека овој начин на запросување веднаш му дошол на памет: "Сакав да направам нешто што не бара посебен труд, а не сакав да биде нешто грандиозно бидејќи ниту девојка ми ниту јас не го сакаме тоа".

Одлуката паднала на хакирање кое Гај овој пат го искористил за прекрасна цел. Го хакирал нејзиниот лаптоп и наместил Фејсбук запросување прикривајќи ги трагите за Ева да не знае дека доаѓа од него.

Ева се согласила, а љубителот на друштвени мрежи веднаш ја објавил среќната вест на Твитер. Сепак, неговата мајка не била среќна на оваа објава и напишала: "Дали мораше за твојата веридба да дознаам на Твитер?"

Иако не ги открил деталите, сепак рекол дека за овој чекор му биле потребни две недели.