Децата кои растат во семејства кои ја негуваат традицијата на заеднички оброци имаат поздрави навики во исхраната...

Само еден заеднички оброк неделно позитивно влијае на формирањето на здрави навики во исхраната кај децата, покажало новото истражување.

Истражувањето кое го спровеле научниците од Универзитетот во Лидс опфатило 2.389 деца, а резултатите покажале дека 63% од малите не ја конзумираат препорачаната дневна количина на овошје и зеленчук - 400 грама поделени во пет порции.

Децата од семејствата во кои се негува традицијата на заедничко обединување, конзумираат во просек 125 грама, односно една ипол порција овошје и зеленчук повеќе од децата кои никогаш не јадат заедно со родителите. Значајна разлика се воочува и кај семејствата кои се собраат "во полн состав" на маса еднаш неделно. Во тој случај, децата конзумираат 95 грама повеќе овошје и зеленчук од оние кои никогаш немаат време за заеднички оброци.

Научниците препорачуваат дека за усвојување на здрави навики во исхраната најважно е децата да видат како нивните родители, браќа и сестри јадат различни намирници. Иако современото темпо на живот ја отежнува организацијата на семејните оброци, ова истражување покажува дека дури и само заедничкиот неделен ручек им помага на децата да прифатат правилни навики во исхраната.