Плејбој отвори ланец на клубови во Индија, а со тој нов деловен чекор стаса и новата, прилагодена облека за секси зајачиците...

Костимите кои многу помалку откриваат од оние на кои навикнавме, се претставени оваа среда во Мамбаи, а за нивниот нов изглед бил задолжен дизајнерот Мохини Тадиконда кој легендарните свилени корсети, опвачето, ушите и лептир-машната ги прилагодил на поднебјето во кое ќе ги носат тамошните убавици, со оглед на строгите индиски закони.

"Најголем предизвик ми беше делот под струкот. Прво не знаев како да пристапам кон легендарниот 'откриен колк' кој е дел од американските костими. Знаев дека колковите мора да бидат покриени па смислив концепт во кој сепак се создава илузија дека се откриени", објаснил Мохини.

Ова верзија на костими ја одобрил и самиот Хју Хефнер.