Прејадувањето поврзано со емоциите особено е нагласено во празничниот период, а полесно е да го задоволите поради огромната количина на храна која ни е достапна. Затоа важно е на време да се подготвите за предизивиците кои ви ги носат празниците...

Празничниот период не е само период на среќа и веселби, туку и време кога многу луѓе се борат со своите внатрешни демони. Во вакви ситуации многу од нас се свртуваат кон храната барајќи утеха. Huffingtonpost.com советува како да се изборите со депресијата и емоционалното прејадување во празничниот период.

Дали навистина сте гладни?
Психологот Алекси Конасон од Институтот за истражување на дебелината во Њујорк, тврди дека пред се мора да ги согледате причините поради кои се тешите со храна. Пред било што да изедете, застанете и размислете дали станува збор само за психолошка глад. Оценте колку сте гладни на скала од 1 до 10, доколку заклучите дека не сте навистина гладни, но сепак сакате да јадете, запрашајте се што всушност се крие зад таа желба? Размислете кое чувство ве турка накај храната и обидете се разумно да го согледате и решите.

Не бидете строги кон себе
Друга важна работа која Конасон ја советува е да не бидете строги кон себе. Ако потклекнете и си допуштите момет на слабост немојте да се срамите поради тоа и додатно да се осудувате. Обидете се нешто да научите од целата ситуација и да се подготвите за истата работа да не ви се случи повторно.