Користењето на Фејсбук води кон дебелење. Научниците утврдиле дека луѓето кои редовно комуницира со своите пријатели на социјалната мрежа, имаат повисоко ниво на самопочит, но пониско нивоа на самоконтрола...

Тоа значи дека тие почесто се хранат нездраво, откако ќе излезат од Фејсбук, особено ако се комуницираат со блиски пријатели. Научниците од универзитетите во Колумбија и Питсбург сметаат дека токму овој фактор води до зголемување на килограмите, а не седечкиот начин на живот од страна на корисниците.

"Користењето на социјалните мрежи може да има позитивен ефект на самопочитувањето и благосостојбата, но тоа може да има одлучувачки ефекти врз однесувањето. Бидејќи корисниците се загрижени за имиџот кој го покажуваат пред блиските пријатели, користењето на социјалната мрежа ја зголемува самодовербата, кога зборуваат со блиски пријатели додека сурфаат на Фејсбук. Но, тоа моментално зголемување на самодовербата ги тера да пројавуваат помала самоконтрола по сурфањето на социјалната мрежа", соопштија научниците.

Тие направиле пет експерименти за однесувањето на корисниците на Фејсбук, за да утврдат како тоа се одразува, откако ќе се исклучат.
Истражувањето дава причина да се верува дека постои врска меѓу користењето на сајтот и ниската самоконтрола врз примената на храна од корисниците и потрошените пари.

Научниците дошле до заклучок дека луѓето кои користат Фејсбук за да се поврзат со своите пријатели, е поверојатно да ја злоупотребуваат храната и да страдаат од вишок колограми. Освен тоа, тие имаат повисок долг на кредитните картички. Ова не се однесува за луѓе кои се фокусирани на "слаби врски" со луѓе кои не го познаваат многу добро.

Откритието има големо значење, бидејќи Фејсбук има над една милијарда активни корисници, што е една седмина од населението во светот.