Според истражување спроведено во Франција, Божиќ е синоним за среќа и нетрпеливост за 68% од Французите кои му се радуваат на дрвцето, украсите и подароците, додека за останатите прославата на Божиќ може да донесе чувство на потиштеност, па и мачина.

Според истражувањето кое го спорвела страницата AshleyMadison, чувството на потиштеност не се толкува со страв од осаменост, туку со обврски од материјална природа: стрес од трка по божиќни дрвца, личен страв дека на некој нема да му се допадне подарокот.

45% од мажите и 32% од жените признаваат дека им недостигаат идеи за купување подароци и не се сигурни дали го имаат избрано вистинскиот подарок. Поради страв од разочарување, многумина се одлучуваат за веќе провререни работи како што се парфем или поклон-аранжман.

Плановите за дочек на Божиќ можат да бидат еден повод за загриженост за оние кои го поминуваат со семејството. Според истражувањето, дури 10% од жените сакаат Бадник да го поминат со свекрвата, според анкетата на OpinionWay објавена лани.

Истражувањето е спроведено по пат на интернет од 3 до 10 декември на 6.450 испитаници на возраст од 30 до 55 години.