Бебињата кои пред да примат вакцина или инјекција добиваат малку шеќер, помалку плачат по „боцката“.

Меѓународниот тим на научници ги следел реакциите на 1.550 мали деца за време на примање на вакцини, и излегло дека децата кои непосредно пред боцкањето добиваат малку засладен раствор помалку плачат од децата од контролната група кои добивале обична вода.

Научниците ги анализирале и резултатите од 14 поранешни истражувања кои се занимавале со оваа прашање, и заклучиле дека шеќерот дефинитивно им помага на децата полесно да ја поднесат вакцината.

Според една теорија, шеќерот помага во намалување на болката така што го активира лачењето на хормонот на задоволство, а според друга има аналгетичко дејство. Но, објаснувањето не е ни толку важно, важно е што децата помалку плачат.