Научниците од Универзитетот во Бристол, проучувајќи ги остатоците од керамичките садови во Полска, пронашле докази дека сирењето прв пат е произведено пред најмалку 7.500 години.
До сега професионалците не беа сигурни дали 34 керамички сита се користеле за производство на сирење, пиво или мед, но хемиската анализа покажала присуство од остаток на млечни масти, што укажува на тоа дека ситата се користеле за раздвојување на сирењето од грутките во процесот на произведување на сирење.
„Постојат многу уверливи форензичарски докази дека пронајдените садови имаат врска со производството на сирење“, вели Ричард Евершед, научник од Универзитетот во Бристол, кој заедно со групата колеги спровел анализа.
Евершед и колегите не биле сигурни какво млеко е користено за производството на сирењето, но додал дека во близина на наоѓалиштето е пронајден голем број на коски од крави.
До откритието на керамичките садови во Полска професионалците сметале дека сирењето за прв пат е направено во Турција пред околу 2.000 години, но немале дефинитивен доказ за тоа.
Професорот по нутриционизам од Универзитетот во Вермонт, Пол Киндштет, кој не учествувал во студијата, изјави дека откритието на процесот за производство на сирење имал голема важност за луѓето во периодот на неолитот затоа што им овозможувал млекото да го претворат во облик кој ќе им ги обезбеди неопходните калории, протеини и минерали.
Во тој период возрасните жители во главно биле нетолерантни на лактоза, протеин од млекото, па правењето на производ со помалку лактоза, како што е сирењето, на сите им овозможувал да уживаат во хранливите состојки од млекот, истакнал Киндштет, кој додал дека првото сирење личело на сремското сирење.
