Социјалната мрежа Twitter, воведува нова опција која на корисниците им овозможува да ги преземат и да ги зачуваат сите свои напишани твитови.

Моментално, само случајно избрани корисници имаат можност да направат сопствена архива на сите досегашни твитови, но таа во наредните неколку дена би требало да им биде достапна на сите корисници на Twitter. Кога ахривирањето на твитовите ќе им биде овозможено на сите, таа опција можете да ја побарате во рамки на страниците за параметри за подесување на вашиот профил.

По формирањето на архивите со твитови, корисникот ќе добие е-мејл со линк преку кој ќе може да ја преземе zip датотеката. Оваа датотека содржи HTML страници кои овозможуваат лесна и прегледна навигација низ пораките, но ги поддржува и форматите од типот CSV и JSON.

Новата опција ќе им овозможи на членовите на Twitter да направат ретроспектива на своите твитови од денот кога се пријавиле на таа социјална мрежа.