Еден Индиец девет месеци живее на дрво, и одбива да се симне од него, затоа што чека да му се извини сопругата која ја затекнал во кревет со друг маж.

Човекот, познат само како Санџеј (25), од Рамгаон кој се наоѓа во близина на Варанасија на северот од Индија, се качил на дрво во март оваа година, откако ја затекнал сопругата во компромитирачка поза со соседот во нивниот дом во Бомбај.

Парот се вратил во Рамгаон за да го решат нивниот проблем, а кога жената одбила да се извини и инсистирала да се врати во Бомбај, младичот се качил на дрвото.

Неговата мајка Кушма Деви, на локалните медиуми им кажала дека тој се обидувал да се убие кога роднините се обиделе да го натераат да се симне долу.

„Тој јаде и спие на дрвото, таму дури извршува и нужда. Секогаш одиме кај него и го прашуваме да не му треба нешто“, рече таа.

Портпаролот на локалната полиција кажал дека човекот нема направено ништо лошо и дека полицијата нема да интервенира. Неговата жена се вратила кај своите родители и ги одбила молбите на семејството на нејзиниот маж да се врати и да се извини.