Дека "Мајка Русија" е непресушен извор на авантури кои понекогаш граничат со лудило, докажа и новиот зафат на овие неколку зависници од адреналин...

Младиот планинар  Витали Раскалов собрал тим од четири члена и направил план за освојување на московскиот "Mercury City" облакодер, чија изградба е во последна фаза и кој со 370 метри висина, ќе биде највисоката градба во Европа.

За работата да биде поинтересна, Раскалов и неговиот тим на облакодерот, баш како во филмовите "Невозможна мисија", сакале да се качат незабележливо и го совладале сложениот систем на надзорни камери, детектори, чувари, како и голем број работници кои, како што тврди Раскалов, се подготвени не само да го вклучат алармот, туку и да ве претепаат.

Исто така, отежнувачка околност било и лошото време - снег, ветар и многу ниските температури.

"Беше многу тешко, но смисливме добар план. Во зградата влеговме облечени во работни униформи, се качивме по стрмните скали и чекавме да дојде до смена на работниците за да можеме да се качиме со кранот до врвот", рекол Раскалов.

Тимот на располагање имал многу малку време, а двајца од вкупно пет, се откажале на половина пат.

Преостанатите тројца, на чело со Раскалов, го извеле овој опасен зафат и својата мисија ја документирале со мини камера.