Лувр и оваа година е најпосетениот музеј на светот, со речиси десет милиони посетители...

Како што пренесува AFP, својата главна позиција познатиот музеј во Париз ја "зацементира" благодарение на новото крило посветено на исламската уметност, како и се поголемиот број на посетители од Кина, кои покрај Американците и Бразилците, сега ја прават најбројната група на странски туристи.

По нив следат Италијанците и Гермаците, се истакнува во соопштението во кое се наведува дека интернет страната на музејот имала повеќе од 11 милиони прегледи, а дека неговата Фејсбук страна има повеќе од 800.000 следбеници.

Новото крило на исламската уметност, со околку 3.000 скапоцени предмети од периодот од VII до ХИХ век, е отворено од септември, од кога го посетиле 650.000 посетители.

Неговата изградба, која изнесувала приближно 100 милиони евра, е финансирана од страна на француската влада, со помош од донациите од Саудиска Арабија, Мароко, Кувајт, Оман и Азербеџан.