Вториот дел од книгата ќе продолжи таму каде што застана претходниот дел и повеќе ќе се занимава со музиката и бракот со Фред Смит.

За првата книга Just Kids, Пати Смит доби национална книжевна награда во 2010 година, па одлучи да напише и продолжение за кои има дури и повеќе од потребен „материјал“.

„Не сум во состојба да напишам типична приказна за рокот, дрогата и сексот, но мислам дека имам подобра затоа што благодарение на рокот го пропатував цел свет, работев со брат ми Тод и го запознав Фред. Тоа го промени мојот живот сосема и верувам дека таа моја приказна е интересна.“

Пати планира пишувањето да го заврши во тек на наредната година, а се уште не е познато кога нејзиното ново книжевно чедо ќе ја види светлината на денот.

До тогаш, ако веќе ја имате прочитано нејзината прва книга, можете да уживате во нејзината музика.